über
mi
über mi
mini gschicht
I bi e Web Developerin us Bärn mit grossem Inträsse am Design und ar Fotografie. I ha mini Karriere mitere Mediamatik-Usbildig gstartet, i dere hani mini Liebi fürds Web-Design entdeckt. Das Inträsse hett mi när derzue bewegt zure Informatik-Lehr z wächsle, so hani mis technische Know-How chönne festige.
Sitt denn hani i mehrere chline Betriebe chönne schaffe, Website ersteut und Lösige erarbeitet wo e gueti Balance zwüsche Design u guetem Code kreiere.
Mir gfaut jede Schritt i däm Prozäss, vor Planig und em Design bis zum Entwickle vo responsive und benutzerfründleche Website.
Näbst em code dueni ou lideschaftlech gärn fotografiere. Am liebste (mini eigete) Tierli. Mir machts eifach mega Fröid Kreativität und Technologie z kombiniere zum dermit öppis cools z erschaffe.
das machi
Informatik & Mediamatik Lehr
Hie hani mini Mediamatik- und Informatiklehr chönne mache. I ha mis technische Grundwüsse erlangt, Umgang mit digitale Medie und Problemlöseverhalte glehrt.
Front-end Developerin / UX Designerin
Hie hani fürnes chlises Bitcoin Startup chönne schaffe und für si e Webapp mit React Native und Kotlin mitentwicklet.
Später hani när ono dörfe mithäufe im Figma am UX-Design schaffe.
Webdesignerin
Bi Palacios Relations hani aui Firme Website in Stand ghalte und updated. I ha loufend Ahpassige gmacht, gluegt das aues guet usgseht
und ha teilwis ou Marketing-Ufgabe erlediget.
Web Developerin
Momentan schaffi hie als Web Developerin. I luege zu üsne Website, entwickle neui Features und hiufe mängisch ou im Support mit.
Im Momänt bini grad amne richtig coole Projekt woni mit AI und Augmented Reality e nöie Trail für üsi Nutzer und Nutzerinne entwickle.
über mi
das chani
I due mega gärn mini technische Skills mit mim kreative Dänke kombiniere.
Ide letschte Jahr hani mer es guets Fundamänt a Web-Technologie, Design und Soft-Skills erarbeitet.
Mini Fähigkeite reiche vom Entwickle vo responsive Websites, über d Arbeit mit Print-Medie bis zur visuelle Kommunikation.
Hie hesch e Überblick drüber was mini Houpt-Stärchine si:
Web
Print
Soft Skills
Definitiv Kafi. Trinki fasch jede Tag und am liebste mit viu Hafermiuch (Oatly isch mi fav). Am liebste machi mi Kafi mit der Coffee B Maschine (ke Wärbig), dä findi ächt fein fürne Chapsu-Maschine.
Mit Kafi schaffi gfühlt 30% effizienter und fokussierter.
Ig LIEBE Chatze. I ha deheim säuber zwöi Freigänger-Büüsi, d Soya und der Maui. Beidi hei zwar gfühlt e Survival-Instinkt vo 0 aber maches derfür mit cuteness wider guet.
I finge aber aui Tierli super und läbä drum ou vegan. Mir isches wichtig uf aui Tier Acht z gä und setze mi ou füre Tierschutz ih.
Wow guet dasde das fragsch!
I sammle sit ig mi cha erinnere Plüschtierli. Zumne gwüsse Zitpunkt hani gloub mau über 1000 gha, mittlerwile zeui se nümm.
Näbst däm das si mega härzig si, fingis immer sehr schön eis derbi z ha i schwirige Situatione, ds beruhigt mi när extrem.
Meistens mit gaming. I liebes i nöii virtuelli Wälte ihztouche oder cooli Rätsu z löse. Beim Game chani richtig entspanne, z Hirni abschaute
und es inspiriert mängisch o mini Kreativität. Es isch DAS Hobby womi mit mine Fründe verbindet, es git regelmässigi Game-Nights uf Discord 🙂
Tier- und Umweltschutz isch mir sehr wichtig. Nid nume für mini Gsundheit läbi vegan, sondern ou wägä de Tier und wägem Planet.
I probiere stetig mi säuber witer z entwickle und z bilde was das ahgeit und probiere derbi ou angeri Lüt derzue z inspiere e Schritt i die Richtig z ga.